ԶԱՀՐԱՏ
Այսպէս քաղաքը քանի կը մեծնայ
Քաղաքին մէջ այնքան կը պզտիկնանք մենք
Մեր խրոխտ եսերուն ստուերը միայն
Կը մնայ մեծ մեծ շէնքերուն ոտքին
Մեծ մեծ շենքերը քանի կը շատնան
Քազաքն ալ այնքան մեծի հով կ՛առնէ
Ու մեծ քաղաքին մեծութեան առջեւ
Քիչ մ՛ալ պզտիկցանք մենք ակնածանքով
Կը նայինք մեծ մեծ շէնքերուն – անճար
Մեր հին մեծութեան վախճանը կու լանք
Օրէ օր քաղաքն այսպէս կը մեծնայ
